पर्वरी: सध्या गोव्यात कॅश फॉर जॉब स्कॅमचं प्रकरण बरंच गाजतंय. यात पूजा नाईकच्या नवे अनेक गुन्हे दाखल झालेले पाहायला मिळतायत. डिचोली पोलिसांनी फसवणुकीच्या आरोपाखाली तिला काही दिवसांपूर्वी अटक केली होती आणि आता पर्वरी पोलिसांनी देखील आणखीन एका फसवणुकीच्या आरोपाखाली तिला अटक केली आहे. पूजा नाईक हिने जामिनासाठी अर्ज केला होता मात्र न्यायालयाकडून तिचा अर्ज फेटाळून लावण्यात आला. यानंतर पर्वरी पोलिसांनी ट्रान्स्फर वॉरंट देऊन तिला ताब्यात घेतलं आहे. पर्वरीतील एका रहिवासी महिलेने पूजा नाईक विरोधात चार लाख रुपयांची फसवणूक केल्याचा आरोप केल्यानंतर पोलिसांनी पूजेची चौकशी सुरु केली आहे.