पत्रादेवी: अबकारी चेकपोस्टसमोर ट्रकने (एमएच ०८ एपी १७२७) दुचाकीस्वाराला चिरडल्याने दुचाकीस्वार डॅनी फर्नांडिस (रा. इन्सुली) या युवकाचा जागीच मृत्यू झाला. हा अपघात बुधवारी दुपारी २.३० वाजण्याचा सुमारास घडला. अपघात झाल्यानंतर ट्रक चालक फरार झाला आहे. पत्रादेवी पोलीसांनी घटनेचा पंचनामा केला. डॅनी रस्त्यावर पडला व ट्रकचे मागचे चाक त्याच्यावरून गेल्याने तो गंभीर जखमी झाला. रक्तबंबाळ अवस्‍थेत त्‍याला पेडणे सरकारी इस्पितळात नेण्‍यात आले. परंतु तेथील डॉक्टरांनी त्याला मृत घोषित केले.

पोलिसांनी अपघाताचा पंचनामा करून मृतदेह गोमेकॉत पाठवून दिला. अपघातानंतर ट्रक तेथेच टाकून चालक पळून गेला. पोलिसांनी ट्रक ताब्यात घेतला आहे. मोपाचे पोलिस निरीक्षक नारायण चिमुलकर यांच्या मार्गदर्शनाखाली पुढील तपास सुरू आहे.