पणजी : जुन्या मांडवी पुलाच्या डागडुजीनंतर आता नवा मांडवी पूल दुरुस्तीच्या कामासाठी २७ मार्च ते ५ एप्रिल दरम्यान सर्व प्रकारच्या वाहतुकीसाठी बंद राहणार आहे. दहा दिवसांच्या काळात सर्व प्रकारची वाहतूक जुन्या पुलावरून वळवण्यात आली आहे. दरम्यान नवा मांडवी पूल परिणामी, वाहनचालक आणि प्रवाशांना प्रचंड वाहतूक कोंडीचा सामना करावा लागत आहे. नवीन मांडवी पूल बंद केल्यामुळं वाहतूक कोंडी झाली आहे.

१२ टनांपेक्षा कमी असलेली वाहनांना या जुन्या पुलावरून जाण्यास परवानगी असेल मात्र १२ टनाहून अधिक वजन असलेली वाहने अटल सेतू मार्गे वळवण्यात येतील. याबाबतचा सार्वजनिक बांधकाम खात्याने नुकताच आदेश जारी केला आहे.

बारावीची परीक्षा संपल्यानंतर नव्या मांडवी पुलाचे काम हाती घेण्यात येणार होते, मात्र पालक व विद्यार्थ्यांना वाहतूक कोंडीचा मनस्ताप सहन करावा लागला होता त्यामुळे १ मार्चपासून दहावीची परीक्षा सुरू होणार असल्याने वाहतुकीची कोंडी होऊन त्याचा फटका विद्यार्थ्यांना बसेल या अनुषंगाने हे काम लांबणीवर टाकण्यात आले होते. बारावी परीक्षा संपल्याने आता हे काम हाती घेण्यात येत आहे.