चांदोर: चांदोर व परिसरातील निवासी भागांमध्ये रात्रीच्या वेळी बिबट्यांचा वावर वाढल्याचे समोर आले आहे. स्थानिक भागातील सीसीटीव्ही कॅमेऱ्यांमध्ये बिबटे रात्री फिरताना स्पष्टपणे कैद झाले असून त्यामुळे नागरिकांमध्ये भीतीचे वातावरण निर्माण झाले आहे. काही ठिकाणी हे बिबटे घरांच्या जवळील रस्त्यांवरून फिरताना दिसले. या घटनेनंतर स्थानिकांनी वन विभागाकडे तातडीने लक्ष देण्याची मागणी केली आहे. नागरिकांनी रात्री बाहेर पडताना विशेष खबरदारी घ्यावी, अशी सूचना देण्यात येत आहे. वन विभागानेही परिसरात गस्त वाढवण्याची तयारी दर्शवली असून बिबट्यांच्या हालचालींवर लक्ष ठेवले जात आहे.