पणजी : आयएएस अधिकारी मायकल डिसोझा, निखिल देसाई यांच्‍यासह एस. एम. प्रभुदेसाई आणि श्रुती अरोरा या दोन आयपीएस अधिकाऱ्यांची गोव्‍यात बदली झाली आहे. तर, संजीव अहुजा, अंकिता मिश्रा या आयएएस अधिकाऱ्यांसह आयपीएस अक्षत कौशल यांची गोव्‍यातून इतर ठिकाणी बदली करण्‍यात आली आहे. केंद्रीय गृह मंत्रालयाने याबाबतचा आदेश जारी केला आहे. या आदेशानुसार, सध्‍या लडाख येथे कार्यरत असलेले मायकल डिसोझा आणि दादरा-नगर हवेलीमध्‍ये सेवेत असलेले निखिल देसाई या दोन आयएएस अधिकाऱ्यांची तेथून गोव्‍यात बदली केली आहे. सोबतच अरुणाचल प्रदेशात कार्यरत असलेले आयपीएस अधिकारी एस. एम. प्रभुदेसाई आणि लडाखमध्‍ये कार्यरत असलेल्‍या श्रुती अरोरा यांची गोव्‍यात बदली केली आहे.

३१ ‘आयएएस’, तसेच १८ ‘आयपीएस’ अधिकाऱ्यांची ट्रान्स्फर

गोव्‍याच्‍या प्रशासनात कार्यरत असलेल्‍या संजीव अहुजा यांची गोव्‍यातून दिल्लीत बदली करण्‍यात आली आहे. तर, आयएएस अंकिता मिश्रा आणि आयपीएस अधिकारी अक्षत कौशल या दोघांची अरुणाचल प्रदेशमध्‍ये बदली करण्‍यात आली आहे. केंद्रीय गृह मंत्रालयाने ३१ आयएएस आणि १८ आयपीएस अधिकाऱ्यांच्‍या बदल्‍या केल्‍या आहेत.