शिरवागातील लईराई यात्रेत झालेली चेंगराचेंगरी नेमकी कशामुळे झाली? याबाबत सध्या विविध बाबी समोर येत आहेत. दोरखंडात पाय अडकल्यामुळे ही घटना घडल्याचे कोणी सागंतय तर कोणी इतर कारणांचा उल्लेख करत आहे.

दरम्यान, वीजेच्या शॉक लागल्यामुळे भाविकांनी धावपळ केली अन् ही दुर्दैवी घटना घडल्याची शक्यता अनेकजण व्यक्त करत आहेत, अशी माहिती राज्याचे पोलिस महानिरीक्षक आलोक कुमार यांनी दिली आहे. याबाबत तपास सुरु असल्याचे कुमार म्हणाले. तसेच, धोंडगणात वाद झाल्याची शक्यताही पडताळून पाहीली जात असल्याचे कुमार म्हणाले. सध्या या घटनेचा तपास सुरु असून, ठोस माहिती समोर आल्यानंतर माध्यमांना दिली जाईल, असे कुमार गोमंतकशी बोलताना म्हणाले.