पणजी: गोवा शालान्त मंडळाने घेतलेल्या दहावी परीक्षेच्या निकालाची तारीख जाहीर करण्यात आली आहे. सोमवारी (०७ एप्रिल) सायंकाळी पाच वाजता दहावीच्या परीक्षेचा निकाल जाहीर केला जाणार आहे, अशी माहिती गोवा माध्यमिक व उच्च माध्यमिक शिक्षण मंडळाच्या वतीने परिपत्रक काढून दिली आहे.
पर्वरीतील गोवा माध्यमिक व उच्च माध्यमिक शिक्षण मंडळाच्या कॉन्फरन्स हॉलमध्ये पत्रकार परिषद घेऊन निकालाची घोषणा करण्यात येणार आहे. यावर्षी १ ते २१ मार्च २०२५ या काळात दहावीच्या परीक्षा आयोजित करण्यात आली होती. ३२ केंद्रावर घेण्यात आलेल्या या परीक्षेला १८,८३८ विद्यार्थ्यांनी अर्ज केला होता. यात ९,२८० मुले आणि ९,५५८ मुलींचा समावेश आहे.
विद्यार्थ्यांना www.gbshse.in, results.gbshsegoa.net या संकेतस्थळाला भेट देऊन विद्यार्थ्यांना निकाल पाहता येणार आहे. निकालाची प्रत्र शाळांना service1.gbshse.in या संकेतस्थळावरुन ०९ एप्रिलपासून डाऊनलोड करता येणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.