गेल्या आठवड्यात कमी झालेला पावसाचा जोर आता पुन्हा वाढला असून, राज्यात मान्सून पुन्हा एकदा सक्रिय झाला आहे. हवामान खात्याने १ ऑक्टोबरपर्यंत 'यलो अलर्ट' जारी केला आहे. या काळात राज्यात हलका ते मध्यम स्वरूपाचा पाऊस होण्याची शक्यता आहे. हवामान विभागाने नागरिकांना सतर्क राहण्याचे आवाहन केले असून, नद्या-ओढ्यांच्या काठावर, डोंगराळ भागात किंवा समुद्रकिनाऱ्यालगत जाणे टाळण्याचे आवाहन केले आहे. मुसळधार पावसामुळे पूरस्थिती किंवा भूस्खलनाची शक्यता असल्याने ही खबरदारी घेण्यास सांगण्यात आले आहे.