राज्यात गेल्या काही दिवसांपासून उघडीप दिलेल्या पावसाने पुन्हा एकदा धूमशान घालण्यास सुरुवात केली आहे. राजधानी पणजीसह म्हापसा, डिचोलीत पावसामुळे हाहाकार उडाला आहे. जनजीवन पुन्हा एकदा विस्कळीत झाले आहे. तोरशे येथेही पावसाने जोरदार हजेरी लावली. तोरशे येथील राष्ट्रीय महामार्ग जलमय झाला. राष्ट्रीय महामार्गावर पाणीच पाणी झाल्याने वाहतुकीस अडथळा निर्माण झाला आहे. गोव्यात सध्या हवामान खात्याकडून पाच दिवसांपासून रेड अलर्ट वर्तवण्यात आला आहे.