जम्मू काश्मीर येथील पहलगाममध्ये झालेल्या दहशतवादी हल्ल्यात २६ जणांचा मृत्यू झाला. याघटनेनंतर देशभरात हायअलर्ट देण्यात आला आहे. विविध राज्यातील पोलिस अलर्टमोडवर असून, गोवा पोलिस देखील आवश्यक सर्व खबरदारी घेत आहे.

पहलगाम हल्ल्याच्या पार्श्वभूमीवर गोव्यात कोम्बिंग ऑपरेशन करण्यात आले. यावेळी २१ जणांना अटक करण्यात आली आहे. कोलवाळ पोलिस स्थानकाचे पोलिस निरीक्षक संजित कांदोळकर यांच्या नेतृत्वाखाली अवचित वाडा थिवी (लाला की बस्ती) परिसरात पोलिसांनी कोम्बिंग ऑपरेशन केले, यावेळी ही कारवाई करण्यात आली. राज्यातील संभाव्य अंतर्गत सुरक्षा धोके आहेत का तसेच कायदा आणि सुव्यवस्था राखण्यासाठी हे ऑपरेशन राबविण्यात आले.