रा्ज्यात गेल्या काही दिवसांत अपघातांच्या संख्येत कमालीची वाढ झाली आहे. मागील चार दिवसांत धारबांदोडा आणि सत्तरी तालुक्यातील दूधसागर आणि म्हादई नदीत 3 तरुणांचा बुडून मृत्यू झाला. नदीवरील अनेक स्पॉट जीवघेणे ठरत आहेत. स्थानिक सरकारी यंत्रणेकडून आंघोळीसाठी येणाऱ्या तरुणांवर नियंत्रण ठेवण्याबाबत कोणत्याही प्रकारच्या उपाययोजना नाहीत. त्यामुळे सरकारने तात्काळ स्थानिक प्रशासनाला हाताला धरत योग्य ती उपाययोजना करण्याची मागणी स्थानिकांकडून करण्यात येत आहे.