गोव्यातील पर्यटकांची गर्दी असलेल्या कळंगुट आणि मडगावजवळील खारेबांध परिसरात दोन भीषण रस्ते अपघात झाले आहेत. या अपघातांमध्ये कार आणि दुचाकींचे मोठ्या प्रमाणावर नुकसान झाले असून दोन जण जखमी झाले आहेत. वाढत्या वाहतूक कोंडीमुळे आणि अतिवेगामुळे हे अपघात घडल्याचे प्राथमिक तपासात समोर आले आहे. या दोन्ही घटनांनंतर पोलिसांनी पंचनामा केला असून अधिक तपास सुरु आहे. गोव्यातील रस्त्यांवर वाहनांची संख्या वाढत असताना पर्यटकांनी आणि स्थानिक चालकांनी वेगावर नियंत्रण ठेवण्याचे आवाहन वाहतूक पोलिसांनी केले आहे.