दक्षिण गोव्यातील पांझोरकोनी-कुंकळ्ळी येथे गुरुवारी दुपारी झालेल्या एका भीषण रस्ते अपघातात 45 वर्षीय दुचाकीस्वाराचा दुर्दैवी मृत्यू झाला. एका पर्यटक टॅक्सी आणि दुचाकीमध्ये झालेल्या जोरदार धडकेत हा अपघात घडला.

मिळालेल्या माहितीनुसार, ही धडक इतकी भीषण होती की दुचाकीस्वार गंभीर जखमी झाला. त्याला तातडीने जवळच्या रुग्णालयात नेण्यात आले, मात्र उपचारांपूर्वीच डॉक्टरांनी त्याला मृत घोषित केले. या घटनेनंतर परिसरात हळहळ व्यक्त केली जात आहे. कुंकळ्ळी पोलिसांनी घटनास्थळी धाव घेऊन पंचनामा केला असून, पर्यटक टॅक्सी चालकाविरोधात गुन्हा दाखल करण्याची प्रक्रिया सुरु आहे. गोव्यातील वाढत्या रस्ते अपघातांमुळे स्थानिक नागरिकांमध्ये सध्या चिंतेचे वातावरण आहे.