पणजी: अन्न व औषध प्रशासन (एफडीए) विभागाने शनिवारी पर्वरी परिसरातील रेस्टॉरंट्सच्या स्वच्छतेची तपासणी करण्यासाठी विशेष मोहीम राबवली. या मोहिमेअंतर्गत एकूण ९ आस्थापनांची तपासणी करण्यात आली. यामधून तीन आस्थापनांना अत्यंत अस्वच्छ स्वयंपाकघर आणि स्वच्छतेच्या नियमांकडे दुर्लक्ष केल्यामुळे तात्पुरत्या स्वरूपात रेस्टॉरंट्स बंद करण्याचे आदेश देण्यात आले आहे.
ही सर्व रेस्टॉरंट्स पर्वरी येथील डेल्फिनो मागे कार्यरत होती. या आस्थापनांना त्यांच्या परिसराचे नूतनीकरण करून पुन्हा स्वच्छतेच्या निकषांचे पालन करीत असल्याची खात्री एफडीए कार्यालयात सादर करण्यास सांगण्यात आल्याची माहिती एफडीए संचालक श्वेता देसाई यांनी दिली.
ही मोहीम एफडीएच्या संचालिका श्वेता देसाई यांच्या मार्गदर्शनाखाली रिचर्ड नोरोन्हा (प्रभारी अधिकारी), अमित मांद्रेकर आणि लेनिन दे सा (अन्न सुरक्षा अधिकारी) यांनी राबवली.
इतर सहा आस्थापनांना एफएसएसएआय अंतर्गत सुधारणा नोटिसा बजावण्यात आल्या आहेत. राज्यभरात या विशेष मोहीम सुरूच राहणार असून सर्व खाद्य व्यवसाय चालकांनी स्वच्छता नियमांचे काटेकोर पालन करावे आणि एफडीए अधिकाऱ्यांच्या कारवाईची वाट पाहू नये, असा इशारा देण्यात आला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.