दक्षिण हिंदी महासागरात निर्माण झालेल्या 'दित्वा' (Ditwah) चक्रीवादळाने श्रीलंकेमध्ये मोठे थैमान घातले. या विनाशकारी वादळामुळे श्रीलंकेत पूर, भूस्खलन आणि मुसळधार पावसाच्या घटना घडल्या असून देशात मोठी जीवित आणि वित्तहानी झाली. या नैसर्गिक आपत्तीमुळे आत्तापर्यंत 123 हून अधिक लोकांचा मृत्यू झाल्याची पुष्टी झाली. सुमारे 130 नागरिक अजूनही बेपत्ता आहेत. त्यांना शोधण्यासाठी युद्धपातळीवर बचावकार्य सुरु आहे.