वास्कोत दरवर्षी साजऱ्या होणाऱ्या दामोदर सप्ताहानिमित्ताने शहरातील वाहतुकीत मोठा बदल करण्यात आला आहे. वाहतूक पोलिसांच्याकडून याबाबत मार्गदर्शक सूचना जारी करण्यात आली आहे. १० ते १६ ऑगस्टदरम्यान स्वतंत्रपथ रस्ता पूर्णपणे वाहतुकीसाठी बंद राहणार आहे.

याकाळात सेंट अँड्रयू चर्च जंक्शन ते आयओसी जंक्शन वाहतुकीसाठी बंद राहणार आहे. तसेच, बॉम्बे अटो पार्ट्स ते ओल्ड इलेक्ट्रिसिटी कार्यालय दरम्यानचा रोड बॅरिकेड्सद्वारे बंद केला जाणार आहे.

वास्को आणि मुरगाव कडून येणारे आणि जाणारी वाहतूक एफ. एल गोम्स रोडवरुन वळविण्यात येणार आहे. नवीन केटीसी बसस्थानक ते चर्च जंक्शन पर्यंत पार्किंग करण्यास बंदी घालण्यात आली आहे.