सासष्टी: २००७ साली तेव्हाचे कुंकळ्ळीचे आमदार व नगर नियोजनमंत्री ज्योकीम आलेमाव यांनी इनडोअर स्टेडियम बांधून त्याचे उद्‌घाटन केले होते. त्यानंतर या इनडोअर स्टेडियमचा वापर झाल्याचे ऐकिवात नाही. तरी सध्या या इनडोअरची स्थिती अत्यंत बिकट आहे. त्याची दुरुस्ती गरजेची आहे. काही समाजकार्यकर्ते त्याबद्दल आमदार व सरकारवर टीका करीत आहेत.

या इनडोअर स्टेडियमचे छप्पर, फरशा, भिंती त्याचबरोबर सर्वच बांधकामाची वाताहत झाली आहे. समाजकार्यकर्त्यांनी सांगितले की, हे स्टेडियम कालवा बुजवून बांधलेले आहे. या कालव्यातून साळ नदीत पाण्याचा प्रवाह जात असे; पण जलस्त्रोत खात्यामार्फत हा कालवा बुजविला.