गोव्याचे मुख्यमंत्री डॉ. प्रमोद सावंत हे पुण्यातील उपचार पूर्ण करून गोव्यात परतले आहेत. मुलीच्या भेटीसाठी पुण्यात गेले असताना मुख्यमंत्र्यांना अचानक प्रकृतीचा त्रास जाणवला होता. मात्र, आता ते पूर्णपणे बरे झाले असून गोव्यात पाऊल ठेवताच त्यांनी विश्रांतीऐवजी जनसेवेला प्राधान्य दिले आहे. आज सकाळी त्यांनी आपल्या साखळी मतदारसंघातील रवींद्र भवन येथे स्थानिक नागरिकांची भेट घेऊन त्यांच्याशी संवाद साधला.