काणकोण: आवळी-खोतिगाव येथील सुप्रिया गावकर या ४२ वर्षीय महिलेचा गालजीबाग येथे कोकण रेल्वेच्या रूळाखाली खोल दरीत कोसळून मृत्यू होण्याची घटना शुक्रवारी (१० जानेवारी) रोजी घडली घडली. आवळी-खोतिगाव येथील नऊ महिला काल ओहोटी असल्याने तिसऱ्या वेचण्यासाठी गालजीबाग किनाऱ्यावर आल्या होत्या. त्या रेल्वे रूळ ओलांडताना एक भरधाव रेल्वे या मार्गावरून जात असल्याचा अंदाज आल्याने नऊपैकी आठ महिलांनी रेल्वे रूळाच्या बाजूला बसणे पसंत केले. मात्र, सुप्रिया उभी होती. भरधाव रेल्वेच्या वाऱ्यामुळे तिचा तोल जाऊन ती खोल दरीत कोसळली आणि तिथेच तिला मृत्‍यूने गाठले.