डिचोलीतून एक धक्कादायक घटना समोर आली. येथील सारमानस फेरीधक्क्यावर ही धक्कादायक दुर्घटना घडली. येथे चालकाचे नियंत्रण सुटल्याने एक कार (Car) थेट पाण्यात बुडाली. मात्र, सुदैवाने वेळीच मदत मिळाल्याने कारमधील चालकाचा जीव वाचला. या घटनेचा व्हिडिओ सोशल मीडियावर वेगाने व्हायरल होत आहे.

दरम्यान, कार पाण्यात पडल्याचे लक्षात येताच, जवळ असलेल्या स्थानिक नागरिक आणि तरुणांनी कोणतीही भीती न बाळगता त्वरित पाण्यात उडी घेतली. या जागरुक नागरिकांच्या मदतीमुळे कारमधील चालकाला सुरक्षितपणे बाहेर काढण्यात यश आले. तसेच, अग्निशमन दल आणि पोलिसांनी देखील शर्थीचे प्रयत्न केले.