एका इमारतीतील फ्लॅटमध्ये गॅस सिलिंडरमधून गळती लागून जोडपाईपसह शेगडी जळण्याची घटना आज (15 ऑक्टोबर) डिचोली परिसरात घडली. फ्लॅटमालक आणि अग्निशमन दलाच्या जवानांनी वेळीच धावपळ करुन सिलिंडर बंद करण्यात यश मिळवल्याने मोठी दुर्घटना टळली. ही घटना डिचोली शहरापासून जवळच असलेल्या रोलिंगमिल-वाठादेव येथील भर लोकवस्तीतील एका इमारतीतील पहिल्या मजल्यावरील फ्लॅटमध्ये आज (बुधवारी) दुपारी 12.30 वाजण्याच्या सुमारास घडली.