आसगाव येथील आगरवाडेकर यांचे घर पाडून पितापुत्रांचे कथितपणे अपहरण केल्याची घटनेमुळे गोव्यात चांगलेच राजकीय वातावरण तापल्याचे पाहायला मिळाले. पण, याप्रकरणात दिल्लीच्या बिल्डरने नुकसान भरपाईची हमी दिल्यानंतर आगरवाडेकरांनी तक्रार मागे घेण्याचा निर्णय घेतला आहे. यावरुन आमदार दिलायला लोबो चांगल्याच भडकल्या आणि अशा प्रकारची तडजोड धक्कादायक असल्याची त्यांनी नमूद केले. शिवाय मुख्यमंत्री प्रमोद सावंत यांनी याप्रकरणी सरकार तडतोड करणार नसल्याचे स्पष्ट करत शंभर टक्के कारावाईचे आश्वासन दिले आहे.