आसगाव घर मोडतोड प्रकरणावरुन विरोधकांनी सावंत सरकारला चांगलंच धारेवर धरलं होतं. गोव्याचे तत्कालीन पोलिस महासंचालक जसपाल सिंग यांच्या संशयित भूमिकेमुळे उचलबांगडी करण्यात आली. तर काही पोलिसांना निलंबितही करण्यात आले. आता, या प्रकरणावरुन गोवा कॉंग्रेसचे प्रदेशाध्यक्ष अमित पाटकर यांनी पुन्हा एकदा सरकारवर हल्लाबोल केला आहे. पाटकर म्हणाले की, आसगाव प्रकरणात एकाही पोलिस अधिकाऱ्याचा हात नसेल तर पोलिस महासंचालकांची बदली आणि अन्य पोलिस अधिकाऱ्यांना का निलंबित करण्यात आले हे मुख्यमंत्री डॉ. प्रमोद सावंत यांच्या नेतृत्वाखालील भाजप सरकारने गोमंतकीयांनी स्पष्ट करावे.