आसगाव घर मोडतोड प्रकरणातील मुख्य संशयित पूजा शर्माला मुंबई उच्च न्यायालयाच्या गोवा खंडपीठाने अटकपूर्व जामीन मंजूर केला आहे. पूजा शर्माला २२ जुलै रोजी गुन्हे शाखेच्या एसआयटीसमोर हजर राहण्याचे आदेश देण्यात आले आहेत. यासह पूजाला तिचा पासपोर्ट जमा करण्यासह परवानगी शिवाय देशाबाहेर न जाण्याची सूचना करण्यात आली आहे.

आसगाव घरमोड प्रकरणी अटक करण्यात आलेल्या सर्वांनाच जामीन देण्यात आला. त्यानंतर पूजाला चौकशीसाठी समन्स बजावण्यात आला होता. पण, पूजाने चौकशीला दांडी मारत जामीनसाठी अर्ज केला. प्रधान न्यायालयाने जामीन अर्ज फेटाळल्यानंतर तिने हायकोर्टात जामीनासाठी अर्ज केला, अखेर या अर्जाला मंजुरी देण्यात आली आहे.