साखळी: साखळी नगरपालिका बाजारातील काढा मार्केटमध्ये असलेल्या ४४ दुकानांपैकी तीन दुकानांना सोमवारी रात्री १ वा. च्या सुमारास आग लागल्याने तिन्ही दुकानांचे मोठे नुकसान झाले. यापैकी रूपेश काणेकर यांचे मसाला व किराणा दुकान पूर्णपणे आगीत बेचिराख झाले असून त्यांचेच सुमारे ४० लाखांचे नुकसान झाले आहे.
त्यांच्या शेजारीच असलेल्या सुभाष परब यांच्या कपड्याच्या दुकानांमध्येही आग घुसल्याने कपडे व फर्निचर जळून खाक झाले. त्यामुळे त्यांचे सुमारे १५ लाखांचे तर बाजूला असलेल्या राजेंद्र पांगम यांच्या कोल्ड्रिंक हाऊसमध्येही आग घुसून त्याही दुकानाचे नुकसान झाले आहे.
एकंदरीत या घटनेत सुमारे ६० लाखांचे नुकसान झाले. या घटनेची कारणे शोधण्याचे आदेश मुख्यमंत्री डॉ. प्रमोद सावंत यांनी वीज खात्याच्या अभियंत्यांना दिले आहेत. दरम्यान, प्रथमदर्शनी ही आग मार्केट प्रकल्पाला पुरविण्यात आलेल्या वीज पुरवठ्याच्या शॉर्टसर्किट होऊन लागल्याचे मत दुकानदारांनी व्यक्त केले आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.