बॉलिवूड अभिनेत्री सोनक्षी सिन्हा आणि अभिनेता जहीर इक्बाल मागच्या काही दिवसापासून सातत्याने चर्चेत आहेत. दोघंही एकमेकांसोबत रिलेशनशिपमध्ये असल्याच्या चर्चा सोशल मीडियावर बऱ्याच काळापासून चालू होत्या. मात्र दोघांनीही यावर प्रतिक्रिया देणं टाळलं होतं. अखेर सोनाक्षी सिन्हा आणि इक्बाल जहीर यांच्या रिलेशनशिपचा खुलासा झाला आहे. इक्बालनं इंस्टाग्रामवर सोनाक्षीला ‘आय लव्ह यू’ म्हणत रिलेशनशिपच्या चर्चाना पूर्णविराम दिला आहे.

जहीर इक्बालने केलेल्या या पोस्टवर सोनाक्षीनेही एक प्रकारे प्रेमाला उत्तर दिल्याचं दिसून आलं आहे. जहीरच्या या पोस्टवर सोनाक्षी लिहते, “धन्यवाद… खूप प्रेम आणि आता मी तुला मारायला येत आहे.” जहीरच्या या इंस्टाग्राम पोस्टवर पत्रलेखा, सिद्धार्थ मल्होत्रा, वरुण शर्मा, तारा सुतारिया आणि हुमा कुरैशी यांनी कमेंट करून दोघांसाठी प्रेम आणि आनंद व्यक्त केला आहे.

जहीर इक्बालनं स्वतःच्या इस्टाग्राम अकाऊंटवरून एक पोस्ट शेअर केली आहे. त्या फोटोच्या कॅप्शनमध्ये जहीरन सोनाक्षीवर प्रेम करत असल्याचं मान्य केल आहे. एवढंच नाही तर याच पोस्टवर सोनाक्षीनं केलेली कमेंट देखील तेवढीच चर्चेत आली आहे. सोनाक्षी सिन्हा आणि जहीर इक्बाल यांच्या या पोस्टवर सध्या चाहत्यांसह बरेच बॉलिवूड सेलिब्रेटी प्रतिक्रिया देताना दिसत आहेत. इक्बालनं सोनाक्षीच्या वाढदिवसानिमित्त एक व्हिडीओ इन्स्टाग्रामवर शेअर केला आहे. ‘वाढदिवसाच्या शुभेच्छा सोनाक्षी… आय लव्ह यू… मला न मारल्याबद्दल धन्यवाद. येत्या काळात आपण असंच खूप खात राहू आणि खूप प्रेम असही त्याने कॅप्शनमध्ये लिहलं आहे.

जहीर इक्बाल आणि सोनाक्षी सिन्हा लवकरच ‘डबल एक्सएल’ या चित्रपटात सोबत दिसणार आहेत. या चित्रपटात हुमा कुरैशीची देखील महत्त्वपूर्ण भूमिका आहे. जहीर इक्बालनं सलमान खान निर्मित ‘द नोटबुक’ या चित्रपटातून बॉलिवूडमध्ये पदार्पण केल होत. दरम्यान सोनाक्षीनं एका मुलाखतीत सांगितलं होतं की बॉलिवूड पदार्पण केलं त्यावेळी ती एका व्यक्तीसोबत रिलेशनशिपमध्ये होती. तिचं हे नातं ५ वर्ष टिकलं अशी ती बोलली होती.