सोनाक्षी सिन्हाचा 'बिग डे'! चाहत्यांची उत्सुकता शिगेला

Sonakshi Sinha Engagement : जर तुम्ही बॉलिवूड अभिनेत्री सोनाक्षी सिन्हाचे चाहते असाल तर तुमच्यासाठी एक आनंदाची बातमी आहे. सोनाक्षीने नुकतीच सोशल मीडियावर माहिती दिली की आज तिचा मोठा दिवस आहे आणि हे समजल्यानंतर चाहत्यांमध्ये उत्साह संचारला. ही बातमी समजल्यानंतर तिची सोशल मीडियावर पोस्ट मोठ्या प्रमाणात व्हायरल होत आहे.

सोनाक्षीचा साखरपुडा

सोनाक्षी सिन्हाने तिच्या इंस्टाग्राम अकाऊंटवर काही फोटो शेअर केले असून तिने एंगेजमेंट झाल्याची माहिती दिली आहे. सोनाक्षी सिन्हाने चाहत्यांना तिची एंगेजमेंट रिंग दाखवली. या फोटोंमध्ये सोनाक्षी सिन्हासोबत एक व्यक्तीही दिसत आहे, मात्र या व्यक्तीचा चेहरा स्पष्टपणे दिसत नाही.

अभिनेत्रीने कोणासोबत लग्न केले याचा खुलासा करण्यात आलेला नाही. सोनाक्षी सिन्हाचे नाव सोहेल खानचा मेहुणा बंटी सचदवासोबतही जोडले गेले आहे आणि याशिवाय तिचे नाव झहीर इक्बाल नावाच्या अभिनेत्यासोबतही जोडले गेले आहे. सोनाक्षी सिन्हाच्या आगामी 'डबल एक्सएल' या चित्रपटात ती झहीर इक्बालसोबत दिसणार आहे.