Writer Prayag Raaj Passes Away : मर्द को दर्द नही होता, ये मजदूर का हाथ है यांसारखे अजरामर संवाद आजही प्रेक्षकांना आठवतात.

मर्द, कुली या चित्रपटांच्या माध्यमातून अन्याय आणि दमणकारी वृत्तींच्या विरोधात आवाज उठवणारा आवाज अमिताभ बच्चन यांच्या रुपाने 70 च्या दशकात प्रेक्षकांनी पाहिला. या आणि अशा चित्रपटांचे लेखक प्रयाग राज यांचे निधन झाल्याची बातमी समोर आली आहे.

अमिताभ बच्चन यांचे अनेक चित्रपट लिहिणाऱ्या प्रयाग राज यांनी 23 सप्टेंबर रोजी या जगाचा निरोप घेतला. लोक प्रयाग राज यांना याहू नावानेही ओळखत होते. त्यांनी 60 च्या दशकात 'जंगली' चित्रपटातील गाण्याला आवाज दिला आणि याहू हा शब्द लोकप्रिय केला.

प्रयाग राज यांच्या मृत्यूचे कारण अद्याप समोर आलेले नाही. मात्र रविवारी शिवाजी पार्क स्मशानभूमीत दिग्दर्शकावर अंत्यसंस्कार करण्यात येणार असल्याचे त्यांच्या कुटुंबीयांनी सांगितले.

प्रयाग राज यांनी केवळ चित्रपटच लिहिले नाहीत तर अभिनयही केला. अमिताभ बच्चन ते रजनीकांतपर्यंत सुपरस्टार्ससोबत काम करणारे ते दिग्दर्शकही होते. लेखन आणि दिग्दर्शनासोबतच त्यांना त्यांच्या कारकिर्दीत गाणी लिहिण्याचा आणि संगीतबद्ध करण्याचाही अनुभव होता.

चित्रपटांची सुरूवात

प्रयाग राजने 1963 मध्ये आलेल्या 'फूल बने अंगारे' या सिनेमातून करिअरला सुरुवात केली होती. दोन वर्षांपूर्वी प्रदर्शित झालेला 'जमानत' हा त्यांचा शेवटचा चित्रपट होता.

 त्यांनी राजेश खन्ना यांचा 'सच्चा जूठा' देखील बनवला आणि हा त्याच्या कारकिर्दीतील पहिला सुपरहिट चित्रपट होता.

अमिताभ बच्चन यांचे चित्रपट

प्रयाग राज यांनी लेखक म्हणून खूप काम केले होते. कुली, नसीब, मर्द आणि दादाजी यांसारखे अमिताभ बच्चन यांचे चित्रपट त्यांनी लिहिले होते. 

याशिवाय अभिनेता म्हणून तो 'कॉन मेरी', 'प्रतीक्षा', 'माय लव्ह', 'द गुरू', 'जब जब फूल खिले', 'आवारा' आणि 'आग'मध्ये दिसला होता.