कतरिना कैफ सोबत नुकतेच लग्न बंधनात अडकलेल्या बॉलिवूड स्टार विकी कौशल पुन्हा सिनेसृष्टीत सक्रिय झाला आहे. विकी कौशल बेअर ग्रिल्सच्या 'इन द टू वाईल्ड' या साहसी रिअॅलिटी शोमध्ये हजेरी लावणार आहे. यामध्ये विकी बेअर सोबत धक्कादायक स्टंट करताना दिसत असून, विकीचे कौशल्य पणाला लागले आहे.
डिस्कव्हरी चॅनलने विकी कौशल आणि बेअर ग्रिल्स सोबत केलेल्या शोचा प्रोमो नुकताच प्रसिद्ध केला आहे. या प्रोमोत विकी कौशल खोल पाण्याखाली पोहताना दिसत आहे. विकीच्या भोवती पाण्याखाली मोठे शार्क आणि इतर मासे देखील दिसत आहेत. विकी सोबत पाण्याखाली बेअर ग्रिल्स देखील आहे. शो दरम्यानचा अनुभव धक्कादायक असल्याचे विकी कौशलने म्हटले आहे.
"या शोमुळे मला माझ्या भीतीचा सामना करण्याची संधी मिळाली. या शोमध्ये अनेक चित्तथरारक गोष्टी करता आल्या. समुद्राच्या मध्यभागी पोहण्याची मला भिती वाटत होती, त्यामुळे माझ्यासाठी हा अनुभव खूप वेगळा होता."
विकीचा हा एपिसोड तुम्ही सोमवार, 21 नोव्हेंबर रोजी रात्री 8 वाजता डिस्कव्हरी चॅनल इंडियावर पाहू शकता.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.