राहूल गांधी यांनी सावरकर यांच्या विरोधात केलेल्या वक्तव्यावरून महाराष्ट्र नवनिर्माण सेना आक्रमक झाली आहे. राहूल गांधी (Rahul Gandhi) यांची बुलढाणा येथील शेगाव येथे आज (दि.18) भारत जोडो यात्रेची (Bharat Jodo Yatra) सभा होणार आहे. या सभेला काळे झेंडे दाखवणार असल्याचा इशारा मनसेने दिला आहे. यासाठी मनसेचे नेते संदीप देशपांडे, अविनाश जाधव यासह इतर पदाधिकारी शेगावला रवाना झाले आहेत. तर, अकोल्यात शेगावाकडे जाणाऱ्या मनसेच्या 100 वर कार्यकर्त्यांना अकोला पोलिसांनी स्थानबद्ध केलं आहे.
कोण मनसे? - नाना पटोले
काँग्रेस प्रदेशाध्यक्ष नाना पटोले (Nana Patole) यांना मनसेच्या भूमिकेबद्दल विचारण्यात आले तेव्हा नाना पटोले यांनी कोण मनसे? प्रतिसवाल उपस्थित केला. तसेच, राहूल गांधी यांनी राहूल गांधी यांनी मांडलेल्या भूमिकेचे समर्थन करताना ज्यांच्याकडे काही पुरावे असतील ते सादर करावेत असे म्हटले आहे. राहूल गांधी यांची यात्रा ही आता जनतेची यात्रा झाली असून, जनतेच्या यात्रेला मनसेला काळे झेंडे दाखवायचे असतील तर त्यांनी दाखवावेत. आणि मनसेने काळे झेंडे दाखवले तर आम्ही त्यांना गुलाबाचं फूल देऊ असे नाना पटोले यांनी म्हटले आहे.
मनेसे नेते अविनाश देसाई म्हणाले, "राहूल गांधी यांची भारत जोडो यात्रा आता महाराष्ट्रात आली आहे. यापूर्वी अनेक राज्यात ही यात्रा होती पण, कोणत्याही राज्यात राहूल गांधी यांनी वादग्रस्ट स्टेटमेंट केले नाही. महाराष्ट्रात हे स्टेटमेंट त्यांनी का केले. राहूल गांधी आयुष्यभर ही सभा लक्षात ठेवतील. राहूल गांधी पंतप्रधान होवो न होवो किंवा इटलीला जावो पण, मनसेने उधळलेली सभा राहुल गाधी आयुष्यात लक्षात ठेवतील. सावरकरांवर आरोप करणे राहूल गांधीना शोभत नाही."
महात्मा गांधी यांचे पणतू तुषार गांधी यांनी केले राहुल गांधीचे समर्थन
काँग्रेस खासदार राहुल गांधी यांनी वीर सावरकर यांच्याबाबत केलेल्या टीकेचे महात्मा गांधी (Mahatma Gandhi) यांचे पणतू तुषार (Tushar Gandhi) गांधी यांनी समर्थन केले आहे. राहुल गांधी यांनी जे सांगितलं ते सत्यच आहे. कारण विनायक दामोदर सावरकर यांनी इंग्रजांची माफी मागून नंतर त्यांच्याकडून पेन्शनही घेतलं होतं. पुढच्या काळात त्यांनी ब्रिटिशांसाठी कामही केलं होतं. असे तुषार गांधी म्हणाले. तुषार गांधी हे आज राहुल गांधींसोबत भारत जोडो यात्रेत सहभागी झाले होते.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.