Salman Khan Dainik gomantak
मनोरंजन

अभिनेता सलमान खान व वडील सलीम यांना धमकीचे पत्र

"मूस वाला जैसा कर दूंगा"

दैनिक गोमन्तक

हिंदी चित्रपटसृष्टीतील आघाडीच्या अभिनेत्यांपैकी एक असणारा अभिनेता सलमान खान आणि त्याचे वडील लेखक सलीम खान यांना धमक्या देणारे एक निनावी पत्र रविवारी मिळाले आहे. याबाबत वांद्रे पोलिसांनी अज्ञातांविरुद्ध गुन्हा दाखल केला आहे. हे पत्र सलीम खानच्या सुरक्षा कर्मचाऱ्यांना सापडले असुन "सलीम खान नित्यक्रमाने त्यांच्या सुरक्षा कर्मचार्‍यांसह मॉर्निंग वॉकला जात असता हे पत्र मिळाल्याचे स्पष्ट झाले आहे. (Threatening letter to actor Salman Khan and father Salim )

पोलिसांनी दिलेल्या माहितीनुसार, पत्रामध्ये सलमान आणि सलीम खान या दोघांनाही धमक्या देण्यात आल्या होत्या. या पत्रातील मजकूरानुसार "मूस वाला जैसा कर दूंगा": असे म्हटले आहे. असे वांद्रे पोलिसांना कळवण्यात आले आणि गुन्हा दाखल करण्यात आला. या पार्श्वभूमीवर पोलीस बँडस्टँड परिसरातील सीसीटीव्ही फुटेज तपासत आहेत आणि या पत्रामागे कोण आहे हे शोधण्यासाठी स्थानिक लोकांची चौकशी करत आहेत.

सिद्धू मूस वाला या नावाने प्रसिद्ध असलेला पंजाबी गायक शुभदीप सिंग सिद्धू याची 29 मे रोजी अज्ञात लोकांनी गोळ्या झाडून हत्या केली होती. राज्य सरकारने 28 वर्षीय गायकाची सुरक्षा कमी केल्याच्या एक दिवसानंतर हा हल्ला झाला होता. अशी स्थिती तुमची देखील करु असे धमकावणाऱ्याने म्हटले आहे.

सलमान खान विषयी थोडक्यात

सलमान खानचा जन्म मध्य प्रदेशातील इंदूर येथे झाला. त्यांच्या वडिलांचे नाव सलीम खान असून ते प्रसिद्ध चित्रपट लेखक आहेत. त्यांच्या आईचे नाव सुशीला चरक आहे. त्याचे वडील जम्मू-काश्मीरचे आहेत तर आई महाराष्ट्रीयन आहे. माजी अभिनेत्री हेलन त्याची सावत्र आई आहे. त्याला अरबाज खान आणि सुहेल खान नावाचे दोन भाऊ देखील आहेत. अरबाज पूर्वी व्हीजे होता आणि त्याचे लग्न अभिनेत्री मलायका अरोरा खानशी झाले. सलमानला अलविरा आणि अर्पिता नावाच्या दोन बहिणीही आहेत.

सलमान खान हे केवळहिंदी चित्रपटांचे प्रसिद्ध अभिनेता नाही तर तो निर्माता, दूरदर्शन व्यक्तिमत्व देखील आहे. लोक त्याला प्रेमाने सल्लू भाई, भाईजान इत्यादी नावांनी हाक मारतात. त्याने इंडस्ट्रीत ठसा उमटवला आहे आणि हिंदी चित्रपटसृष्टीतील आघाडीच्या अभिनेत्यांपैकी एक आहे. त्याच्या घराबाहेर त्याच्या चाहत्यांची गर्दी असते. त्याच्या चाहत्यांची क्रेझ इतकी आहे. बर्‍याच वेळा असे घडले आहे की सलमानला त्याच्या चाहत्यांकडून बर्‍याच समस्यांचा सामना करावा लागला आहे.

शिक्षण सलमान खानने आपले शालेय शिक्षण सिंधिया स्कूल, ग्वाल्हेर येथून केले जेथे त्याने त्याचा भाऊ अरबाज खानसोबत शिक्षण घेतले. यानंतर मुंबईतील वांद्रे भागात असलेल्या सेंट स्टॅनिस्लॉस हायस्कूलमधून त्याने आपले शिक्षण घेतले.

सलमान खानने 'बीवी हो तो ऐसी' या चित्रपटातून सहाय्यक अभिनेता म्हणून आपल्या अभिनय कारकिर्दीला सुरुवात केली. मुख्य अभिनेता म्हणून त्यांचा पहिला चित्रपट 'मैने प्यार किया' हा सुपरहिट ठरला होता. त्याच्या 'हम आपके है कौन' या चित्रपटाने सर्वांची मने जिंकली, तर 'तेरे नाम' या चित्रपटातील त्याच्या अभिनयाचे खूप कौतुक झाले आणि त्याने आपल्या अभिनयाने सर्वांनाच भावूक केले. पण गेल्या काही वर्षांपासून त्याच्या चाहत्यांची संख्याही वाढली कारण त्याला अॅक्शनपट जास्त आवडले. 'वाँटेड' चित्रपटानंतर त्याने सातत्याने हिट चित्रपटांची धुरा सांभाळली.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

IND vs NZ 1st Test: अवघ्या दोन धावांनी हुकलं शतक, शुभमन गिलच्या नावावर नकोसा रेकॉर्ड! धोनी-विराटच्या यादीत समावेश

Couple Assault Viral Video: फोटो काढणाऱ्या जोडप्याला अश्लील शेरेबाजी, बेदम मारहाण, 8 अल्पवयीन मुले ताब्यात; मुंबईतील खळबळजनक व्हिडिओ व्हायरल

Agniveer Recruitment Data Leak: मोठी खळबळ! अग्निवीरांचा डेटा डार्क वेबवर विकायचा डाव? 14 वर्षांच्या मुलाला दिल्ली पोलिसांनी घेतलं ताब्यात

Railways New Rules: प्रवाशांनो सावधान! ट्रेनमध्ये मोठ्या आवाजात बोलणे पडू शकते महागात; न ऐकल्यास भोगावा लागू शकतो तुरुंगवास अन् दंड

Check Dam Construction: 3 तालुक्यांत 116 बंधाऱ्यांत पाणी अडवले; परिसरातील भूजल पातळीत वाढ झाल्याचा दावा

SCROLL FOR NEXT