माणसाच्या आयुष्यात मैत्रीला खूप मोठ स्थान आहे. अगदी प्रेमाच्या नात्यापेक्षाही मैत्रीला जास्त महत्व दिले जाते. सिने तारकांच्या मराठी सिनेसृष्टीतील कलाकारांच्या मैत्रीच्या चर्चा सर्वत्र होत असतात. मराठी सिनेसृष्टीतील अशाच दोन मैत्रिणींची जोडी खूप प्रसिद्ध आहे. मराठीतील आघाडीची अभिनेत्री सई ताम्हणकरची (Sai Tamhankar) आवडती मैत्रीण कोण हे तुम्हाला माहीत आहे का? सई नेहमीच तिच्या 'बेस्ट फ्रेंड' सोबतचे फोटो सोशल मीडियावर शेअर करत असते.

सईची 'बेस्ट फ्रेंड' ही प्रसिद्ध अभिनेत्री दुसरी तिसरी कुणी नसून गिरिजा ओक आहे. सईने काही दिवसांपूर्वीच गिरिजासोबतचा फोटो इन्स्टाग्रामवर शेअर केला होता. या फोटोत दोघी बसून गप्पा मारताना दिसत होत्या. फोटो बघून दोघींमधले अतूट नाते अधोरेखित होते. गिरिजासुद्धा सईसोबतचे फोटो शेअर करत असते.

सईप्रमाणेच गिरीजाने सुद्धा हिंदी असो किंवा मराठी सिनेसृष्टीत तिने आपल्या अभिनयाने आपले एक वेगळे स्थान निर्माण केले आहे. ती अभिनेत्री आहे गिरीजा ओक. वयाच्या 15 वर्षापासूनच गिरिजाने अभिनय क्षेत्रात पदार्पण केले होते.