बॉलिवूडची अभिनेत्री आणि मिस वर्ल्ड सुष्मिता सेन पुन्हा एकदा प्रेक्षकांचं मनोरंजन करण्यासाठी परतली आहे. 'आर्या' या क्रिमिनल थ्रिलर ड्रामा वेब सीरिजच्या पहिल्या आणि दुसऱ्या भागात दिसल्यानंतर आता तिसऱ्या भागातही ती दिसणार आहे . 

आता ती या तिसऱ्या भागात 'आर्य 3' मध्ये दिसणार आहे. यातही तिचे दमदार व्यक्तिमत्त्व पाहायला मिळणार आहे. आर्या या  वेब सीरिजचे टीझर नुकतेच रिलीज झाले आहे, ज्यामध्ये सुष्मिता अप्रतिम दिसत आहे.

2021 मध्ये रिलीज झालेल्या 'आर्य 2' मध्ये सुष्मिता सेनने तिच्या शत्रूंचा खात्मा केला होता आणि ती मुलांसह देश सोडून फरार झाली होती. तीला वाटले होते की आता सर्व काही ठीक आहे, परंतु तिने वापरलेली युक्ती आता तिच्यावरच उलटली आहे. तीचा एक शत्रूही आहे, ज्याची एन्ट्री आर्या ३ मध्ये दाखवण्यात येणार आहे.

टीझरमध्ये सुष्मिता सेन तीच सिगार वापरताना दिसत आहे जी तिने आपल्या शत्रूकडून गुपचूप हिसकावून घेतली होती. एका अनोख्या स्टाईलमध्ये बसलेल्या सुष्मिता सेनचा लूक खूपच मस्त दिसत आहे. 

काळा ओव्हरकोट आणि सन ग्लासेस घातलेली सुष्मिता एकदम किलर दिसत आहे. आर्या 3 चा टीझर शेअर करताना सुष्मिताने सांगितले की सध्या आर्या 3 चे शूटिंग सुरु आहे. तो लवकरच डिस्ने हॉटस्टार प्रवाह पाहायला मिळेल.