Salman Khan Court Case: अभिनेता सलमान खानला आज कोर्टाकडून मोठा दिलासा मिळाला आहे. अंधेरीतील मेट्रोपॉलिटन कोर्टाने यापूर्वी अभिनेत्याला समन्स बजावले होते, त्याला उच्च न्यायालयात आव्हान देण्यात आले होते. आज उच्च न्यायालयाने हे समन्स रद्द केले आहे.

एका पत्रकाराला सलमान आणि त्याच्या बॉडिगार्डकडून मारहाण झाल्याप्रकरणी सलमानच्या विरोधात अंधेरीतील मेट्रोपॉलिटन कोर्टाने यापूर्वी अभिनेत्याला समन्स बजावले होते ते आता उच्च न्यायालयाकडून रद्द करण्यात आले आहे.

एके ठिकाणी पत्रकाराकडून सलमान खानचे फोटो काढण्याचा प्रयत्न झाला तेव्हा सलमान आणि त्याच्या बॉडिगार्डने त्याला अडवले तेव्हा शाब्दिक वाद झाला प्रकरण मारामारीवर गेले. याविरोधात संबंधित पत्रकाराने पोलिसांत तक्रारही दाखल केली होती.

दरम्यान मेट्रोपॉलिटन कोर्टाने दाखल केलेले समन्स रद्द झाले आहे. पत्रकाराशी गैरवर्तन केल्याचा आरोप खोटा असल्याचे सांगून न्यायालयाने सलमान खानविरुद्धची २०१९ची तक्रार फेटाळून लावली आहे.