काश्मिरी पंडितांच्या वेदना आणि दुःखाचे चित्रण करणारा 'द काश्मीर फाइल्स' चित्रपट केवळ सर्वसामान्यांच्याच नाही तर बॉलिवूडच्या अनेक सेलिब्रिटींच्याही हृदयाला स्पर्श करत आहे. रितेश देशमुख, सुनील शेट्टी, आमिर खानपासून अनेक सेलिब्रिटी 'द काश्मीर फाइल्स'चे कौतुक करताना थकत नाहीत. आता या यादीत बॉलिवूडचा दबंग अभिनेता सलमान खानचे नावही जोडले गेले आहे.

विवेक अग्निहोत्रीचा 'द काश्मीर फाइल्स' हा चित्रपट सलमान खानला (Salman Khan) आवडला असून अभिनेत्याने चित्रपट पाहिल्यानंतर त्याची प्रतिक्रिया दिली आहे. सलमान खानने अनुपम खेर (Anupam Kher) यांना फोन करून चित्रपटाच्या यशाबद्दल शुभेच्छा दिल्या. यावर अनुपम खेर म्हणाले, वैयक्तिकरित्या मी म्हणेन की सलमान खानने मला दुसऱ्या दिवशी फोन करून माझे अभिनंदन केले.

अनुपम खेर यांचे सलमान खानसोबतचे नाते खूप खास आणि जुने आहे. बॉलिवूडमधील (Bollywood) या दोन्ही स्टार्सनी अनेक चित्रपटांमध्ये एकत्र काम केले आहे. अनुपम खेर यांनी सलमान खानसोबत प्रेम रतन धन पाओ, जान-ए-मन यांसारख्या चित्रपटांमध्ये काम केले आहे.