बॉलिवूडची नॉटी गर्ल अभिनेत्री राखी सावंतचं लग्न झालं आणि कित्येकांनी सुटकेचा निश्वास सोडला आहे. सतत चर्चेत असणाऱ्या राखी सावंतने आता म्हैसुरचे उद्योगपती आदिल दुर्राणी यांच्यासोबत लग्न केले आहे. या लग्नाचा फोटोही सोशल मिडीयावर व्हायरल झाला आहे.

यापुर्वी राखीचं रितेश राजसोबत लग्न केलं होतं हे लग्न काही फार काळ टिकलं नाही. बिग बॉस संपल्यानंतर राखी सावंत बराच काळ उद्योगपती आदिल यांना डेट करत असल्याची चर्चा होती.

व्हायरल झालेल्या या फोटोत दोघे नोंदणी पद्धतीने लग्न केल्याचं दिसत आहे. एकमेकांना दोघांनी हार घातल्याचं दिसत आहे ;पण जेव्हा आदिल दुर्राणी यांना जेव्हा विचारले तेव्हा त्यांनी राखीसोबत लग्न झालं या गोष्टीला नाकारले.

व्हायरल झालेल्या या फोटोवर दुर्राणी यांनी नकार देताच आता आज राखीची प्रतिक्रिया याबाबतीत समोर आली आहे.

राखी म्हणते "आदिलला हे लग्न सगळ्यांंसमोर आणायचं नव्हतं. खरंतर आमचं लग्न 7 महिन्यांपुर्वीच झालं आहे. आम्ही निकाह केला आणि त्यानंतर ,या लग्नासाठी मी माझं नावही बदललं"

पण आता राखीच्याच सांगण्यानुसार आदिल तिच्याशी बोलत नाही. याला कारण 'लव जिहाद'ची भिती हे असल्याचंही आता समोर आलं आहे. राखी स्वत: या गोष्टीवर आता बोलली आहे, तिच्या मते आदिलला लव जिहादची भिती वाटत आहे शिवाय त्याच्यावर घरच्यांचा दबाव आहे.

मिळालेल्या माहितीनुसार आता राखीची आई हॉस्पीटलमध्ये असुन राखी तिच्या वैवाहिक जीवनाचा संघर्षही सुरू आहे.

राखीचं लग्न झालं अशा बातमी असताना आता हा नवाच उलगडा झाल्याने राखीने आपली वादग्रस्त परंपरा कायम राखली आहे. हे प्रकरण राखीच्या आयुष्यासारखेच वळणाचे आहे हे नक्की.