बिग बॉस 14 (Bigg Boss 14) फेम राहुल वैद्यने (Rahul Vaidya) अखेर आपल्या चाहत्यांना चांगली बातमी दिली आहे. तो त्याची गर्लफ्रेंड दिशा परमारशी (Disha Parmar) लग्न करणार आहे. राहुलने सोशल मीडियावर (social media) पोस्ट शेअर करुन लग्नाची तारीख जाहीर केली आहे. ज्यानंतर राहुल आणि दिशा यांचे चाहते खूप आनंदित आहेत. चाहते या दिवसाची आतुरतेने वाट पाहत आहे.(Rahul Vaidya Disha Parmar announced the date of marriage)

राहुल आणि दिशा 16 जुलै रोजी लग्न करणार आहेत. राहुलने लिहिले आहे की- आमच्या परिवाराच्या आशीर्वादाने, हा खास क्षण तुमच्याबरोबर शेयर करण्यात आम्हाला आनंद आहे. आम्ही 16 जुलै 2021 रोजी गाठ बांधणार आहोत. आपल्या सर्वांचे प्रेम आणि प्रार्थनाची गरज आहे. आम्ही एकत्र नवीन अध्याय सुरू करणार आहोत. हे पोस्ट शेअर करत राहुलने लिहिले - #TheDisHulWedding

राहुलच्या या पोस्टवर अनेक कलाकारांनी कमेंटद्वारे त्यांचे अभिनंदन केले आहे. राहुलसोबत खतरों के खिलाडी 11 चा भाग बनलेल्या वरुण सूदने लिहिले- ‘वाह.. हॅपी.’ तर दिव्यांका त्रिपाठीने कमेंट केली -‘राहुल शुभेच्छा.’ लग्नाविषयी बोलताना राहुलने एका मुलाखतीत म्हटले आहे की दिशा आणि मला नेहमीच काही लोकांच्या उपस्थितीत माझे लग्न करायचे होते. आमच्या प्रियजनांनी आम्हाला या विशेष दिवशी आशीर्वाद द्यावा अशी आमच्या दोघांची इच्छा होती. हे विवाह वैदिक विधीनुसार केले जाईल, गुरबानी शबद सेरेमनी देखील होणार आहे.

तुम्हाला माहित आहे का राहुल वैद्यने नॅशनल टेलिव्हिजनवर बिग बॉस 14 या शोमध्ये दिशाला प्रपोज केले होते. त्याने आपल्या टी-शर्टवर लिपस्टिकसह लिहिले होते - हॅपी बर्थडे दिशा 'मैरी मी' दिशाच्या वाढदिवसाच्या दिवशी राहुलने हे केले. दिशा राहुलच्या प्रस्तावाला काहीच बोलू शकली नाही आणि तिनेही या लग्नाला होकार दिला. व्हॅलेंटाईन डेनिमित्त राहुलच्या प्रस्तावाला उत्तर देण्यासाठी दिशा बिग बॉसमध्ये आली होती. त्यानंतर राहुलच्या आनंदासाठी जागा नव्हती. शो नंतर दोघेही बर्‍याचदा एकत्र दिसले होते. राहुल आणि दिशा देखील एका म्युझिक व्हिडिओमध्ये एकत्र दिसले होते. जी चाहत्यांना खूप आवडली.