Kantara 2 Latest Update: ऋषभ शेट्टीच्या 'कांतारा' या चित्रपटाला प्रेक्षकांचा चांगलाच प्रतिसाद मिळाला. एकीकडे 2022 मध्ये अनेक बिग बजेट चित्रपट फ्लॉप झाले, तर दुसरीकडे 'कांतारा'ने चांगलाच कमाइ केली.

हा चित्रपट हिट झाल्यापासून चाहते त्याच्या पुढच्या भागाची वाट पाहत आहेत. आता लवकरच 'कांतारा 2'ची घोषणा होऊ शकते.

• कांतारा 2 ची लवकरच होऊ शकते घोषणा

ऋषभ शेट्टीच्या जवळच्या लोकांकडून अशी माहिती मिळाली आहे की, 'कांतारा 2'ची लवकरच घोषणा होऊ शकते.

मिळालेल्या माहितीनुसार कांतारा 2 ची स्क्रिप्ट जवळपास पूर्ण झाली आहे. निर्माता विजय किरगांडूर आणि अभिनेता-दिग्दर्शक ऋषभ शेट्टी चित्रपटाच्या स्क्रिप्टवर खूप खूश आहेत. 

चित्रपटाला 100 दिवस पूर्ण झाल्याच्या पार्टी दरम्यान, त्याचा सीक्वल बनवण्याची घोषणा आधीच करण्यात आली आहे. आता फक्त 'कांतारा 2' ची घोषणा कधी होणार याची प्रतीक्षा आहे.

सध्या चित्रपटाची टीम पाऊस असूनही शूटिंगसाठी उत्तम लोकेशन्स शोधत आहे. यासोबतच अशीही बातमी आहे की, जर सर्व काही सुरळीत झाले तर जूनपर्यंत चित्रपट पुर्ण होउ शकतो.

हंबेल फिल्म्सच्या बॅनरखाली 'कांतारा' बनवण्यात आला होता. या चित्रपटाच्या दिग्दर्शनासोबतच ऋषभ शेट्टीनेही मुख्य भूमिका साकारली होती. 'कांतारा' हा चित्रपट केवळ 16 कोटींच्या बजेटमध्ये बनला होता. 

इतक्या कमी बजेटच्या चित्रपटाने बॉक्स ऑफिसवर उत्कृष्ट कमाइ केली. यासोबतच ऋषभ शेट्टीच्या कामालाही प्रेक्षकांनी भरभरून प्रेम दिले. IMDb ने या चित्रपटाला 8.3 रेटिंग दिली आहे.