Irrfan Khan: इरफान खानचा चित्रपट 'द साँग ऑफ स्कॉर्पियन्स'चा ट्रेलर रिलीज झाला आहे. हा चित्रपट हिंदीत प्रदर्शित होत आहे. अभिनेत्याचे चाहते आपल्या आवडत्या स्टारचा चित्रपट सिनेमागृहात पाहू शकतील.

इरफानच्या या चित्रपटाची माहिती त्याचा मुलगा बाबिलने सोशल मीडियावर दिली. बाबिलने त्याच्या वडिलांच्या चित्रपटाचे पोस्टरही शेअर केले असून चित्रपटाचा ट्रेलर हिंदीमध्ये रिलीज करण्यात आल्याचे सांगितले आहे.

• चित्रपटाच्या प्रदर्शनामुळे चाहते झाले आनंदी
  
  सोशल मीडियावर नेटकऱ्यांनी लिहिले की, 'इरफान आम्हाला नेहमीच तुझी आठवण येते. अजून एका युजरने लिहिले की, 'तो किती महान अभिनेता होता, आज तो दुसऱ्या दुनियेत आहे, तरीही या जगात चमकतोय.' दुसरा म्हणाला- मी माझा आनंद व्यक्त करू शकत नाही, चित्रपट थेटरमध्ये रिलीज करण्याचा निर्णय घेतला तो अगदी योग्य होता.'

आपल्या इन्स्टाग्राम अकाउंटवर इरफानच्या चित्रपटाचे पोस्टर शेअर करताना बाबिल खानने लिहिले की, 'द साँग ऑफ स्कॉर्पियन' 28 एप्रिल रोजी थिएटरमध्ये प्रदर्शित होणार आहे.

इरफानचा चित्रपट 'द सॉन्ग ऑफ स्कॉर्पियन्स' सुमारे 6 वर्षांपूर्वी 2017 मध्ये रिलीज झाला होता. हा चित्रपट स्विस-फ्रेंच-सिंगापूर भाषेत बनवण्यात आला होता. पण आता तो हिंदी भाषेत रिलीज होत आहे.

यामुळेच लोक याला इरफानचा शेवटचा चित्रपट म्हणत आहेत. या चित्रपटात इरफान खान व्यतिरिक्त गोलशिफतेह फराहानी, वहिदा रहमान आणि शशांक अरोरा यांच्याही महत्त्वाच्या भूमिका आहेत.