Actor Imran Khan Leave India Notice: प्रसिद्ध अभिनेता आमिर खान याचा भाचा आणि अभिनेता इम्रान खान याच्या अडचणीत मोठी वाढ झाली. मुंबई पोलिसांनी इम्रानला देश सोडण्याची नोटीस पाठवली. 28 ऑक्टोबरपर्यंत त्याला भारत सोडण्याचे निर्देश देण्यात आले. इमिग्रेशन कायद्यांतर्गत ही कारवाई करण्यात आली. भारताचा नागरिक नसतानाही त्याने मुंबईतील सीजेपीच्या जाहीर आंदोलनात सहभाग घेतला. या नियमांच्या उल्लंघनामुळे मुंबई पोलिसांनी त्याच्यावर हा कायदेशीर बडगा उगारला.

काही दिवसांपूर्वी मुंबईच्या ऑगस्ट क्रांती मैदानात केंद्रीय मुख्य निवडणूक आयुक्त ज्ञानेश कुमार यांच्या राजीनाम्याची मागणी करण्यासाठी इम्रान आंदोलनात सहभागी झाला होता. या आंदोलनात इम्रान आपली गर्लफ्रेंड लेखा वॉशिंगटन आणि बहीण जॅन मॅरी खान यांच्यासोबत सहभागी झाला होता. आंदोलनादरम्यान त्याचे अनेक व्हिडिओ आणि फोटो सोशल मीडियावर तुफान व्हायरल झाले होते. या प्रकरणी पोलिसांनी त्याला तात्पुरते ताब्यातही घेतले, मात्र नंतर सोडून देण्यात आले होते.

पोलिसांनी जेव्हा या संपूर्ण प्रकरणाची सखोल चौकशी केली, तेव्हा असे समोर आले की, इम्रान हा भारतीय नागरिक नाही. तरीही तो अशा राजकीय आंदोलनात सहभाग झाला, जो परदेशी नागरिकांसाठी नियमांच्या विरोधात आहे. यानंतर भाजपचे (BJP) खासदार किरीट सोमैया यांनी मुंबई पोलिसांना अधिकृत पत्र लिहून इम्रानवर कायदेशीर कारवाई करण्याची जोरदार मागणी केली. या सर्व घडामोडींनंतर, इमिग्रेशन कायद्याच्या संबंधित कलमांनुसार कारवाई करत पोलिसांनी त्याला 28 ऑक्टोबरपर्यंत देश सोडण्याची नोटीस बजावली. या बातमीमुळे सिनेविश्वात मोठी खळबळ उडाली असून सोशल मीडियावरही चांगलीच चर्चा रंगली आहे.