Ex Twitter India Head's Viral Tweet on Sushant Singh Rajput Blue Tick: ट्विटर ब्लूचे सदस्यत्व न घेता ब्लू टिक्स का देण्यात आल्या असा सवाल करणाऱ्या सेलिब्रिटींनी अलीकडेच सर्व युजरचे लक्ष वेधून घेतले आहे. ज्या युजर्सला ब्लू टिक देण्यात आले होते त्यापैकी एक दिवंगत अभिनेता सुशांत सिंग राजपूत होता.

पण दिवंगत अभिनेत्याचा फोन नंबर कसा वेरिफाय केला? हे सर्वांसाठी एक गूढ असल्याचं समोर आलं आहे.

गेल्या आठवड्यात, जेव्हा लेखक स्टीफन किंगने विचारले की सुशांतला का ब्लू टिक का दिली गेली, तेव्हा ट्विटरचे प्रमुख एलोन मस्क यांनी उत्तर दिले कारण 'त्याने त्यासाठी पैसे दिले'. मस्क यांना त्यांच्या ब्लू टिकसाठी पैसे देत असलेल्या इतर सेलिब्रिटींबद्दल विचारले असता,एलॉन मस्कने सांगितले “जस्ट शॅटनर, लेब्रॉन आणि किंग”.
ब्लू टिकसाठी सुशांत सिंग राजपूतच्या खात्यातुन पैसे कसे दिले जात आहेत हे अद्याप एक गूढ आहे पण मोठा प्रश्न हा आहे की त्याचा फोन नंबर कोणी वेरिफाय केला?

ट्विटर इंडियाचे माजी प्रमुख मनीष माहेश्वरी यांना सुशांतच्या प्रोफाईलचा स्क्रीनशॉट सापडला ज्यामध्ये पॉपअप बॉक्समध्ये त्याचा नंबर वेरिफाय होत असल्याचे दिसून आले - “@itsSSR ने त्याचा फोन नंबर @elonmusk यांनी कसा वेरिफाय केला याबद्दल आश्चर्य वाटते? 

एकतर तुम्ही खोटे बोलत आहात किंवा लोकांनी त्यांचा फोन नंतरच्या आयुष्यात घेऊन जाण्याचा मार्ग शोधला आहे असा मिश्किल टोलाही माहेश्वरी यांनी लगावला आहे.

जून 2020 मध्ये या अभिनेत्याचा आत्महत्येने मृत्यू झाला. बहुतेक बॉलीवूड तारकांनी त्याच्या मृत्यूवर शोक व्यक्त केला.

ट्विटरने अलीकडेच शाहरुख खान , क्रिकेटपटू विराट कोहली आणि कॉमेडियन वीर दास यांच्यासह अनेक भारतीय सेलिब्रिटींचे ब्लूटिक पुनर्संचयित केले .

पण सगळ्यांनाच आश्चर्य वाटले, दिवंगत अभिनेत्याचा फोन नंबरही पडताळण्यात आला, कारण महेश्वरीने सुशांतच्या प्रोफाईलवर पॉप-अप दाखवणाऱ्या ट्विटर अॅपच्या स्क्रीनशॉटद्वारे स्पष्टपणे सूचित केले होते.