बॉलीवुडमधील प्रसिद्ध जोडपे आलिया भट्ट आणि रणबीर कपूर यांचा लग्नसोहळा लवकरच पार पडणार आहे, अशी चर्चा सध्या सुरू आहे. 'ब्रम्हास्त्र' (Brahmastra) चित्रपटाचे दिग्दर्शक अयान मुखर्जी यांनी (Ayan Mukerji) नुकताच एक खास व्हिडीओ शेअर करत आलिया आणि रणबीरला शुभेच्छा दिल्या आहेत.(Brahmastra Movie News Updates)

दिग्दर्शक अयान यांनी आपल्या अधिकृत इन्स्टाग्राम (Instagram) अकाऊंटवर 'ब्रम्हास्त्र' चित्रपटांमधील (Movie) गाण्याचा व्हिडिओ शेअर केली आहे. अयान यांनी हा व्हिडीओ शेअर करून कॅप्शनमध्ये लिहिले, 'आलिया आणि रणबीरसाठी खास... हे दोघे लवकच आयुष्याच्या नव्या प्रवासाला सुरूवात करणार आहेत. हे दोघे माझ्या आयुष्यातील जवळचे व्यक्ती आहेत. तुम्हाला पुढच्या वाटचालीसाठी शुभेच्छा." मिळालेल्या माहितीनुसार रणबीर आणि आलियाचा विवाह सोहळा 'वास्तु' येथे पार पडणार आहे.

रणबीर आणि आलियाच्या प्री-वेडिंग फंक्शन्सला आजपासून सुरुवात होत आहे. रणबीर आणि आलिया मुंबईतील 'वास्तू' बिल्डिंगमध्ये लग्न करणार आहेत, जिथे आलिया आणि रणबीर दोघांचे स्वतंत्र अपार्टमेंट आहेत. 12 एप्रिल पासूनच या बिल्डिंगची सजावट करण्यास सुरुवात झाली होती. या बिल्डिंगमध्ये आकर्षक रोषनाईने सजावट करण्यात आली आहे.