Bobby Deol: सध्या बॉबी देओल त्याच्या अॅनिमल या चित्रपटामुळे चांगलाच चर्चेत आहे. काही दिवसांपूर्वी जेव्हा या चित्रपटाचा टीझर प्रेक्षकांच्या भेटीला आला होता तेव्हा काही सेंकदाच्या बॉबी देओलच्या भूमिकेने प्रेक्षकांचे मन जिंकून घेतले होते.

आता एका मुलाखतीदरम्यान, बॉबी देओलने आपल्या पहिल्या चित्रपटातले अनुभव शेअर केले आहेत. बॉबी देओलने 1995 मध्ये ट्विंकल खन्नासोबत 'बरसात' चित्रपटातून अभिनय क्षेत्रात पदार्पण केले. हा चित्रपट सुपरहिट ठरला आणि त्यामुळे बॉबी देओल रातोरात स्टार झाला होता. या चित्रपटात बॉबी देओल कधी घोड्यावर स्वार होताना तर कधी वाघाशी लढताना दिसत होता. आता त्याने खऱ्या वाघासोबत कसे शूटिंग केले याबद्दलचे किस्से सांगितले आहेत.

वाघाला हाताळणाऱ्या लोकांनी आधी त्याच्या मानेवर मांसाचा तुकडा ठेवला, जेणेकरून वाघ त्याच्यावर झेपावेल. मात्र यावेळी वाघाचे दात अभिनेत्याच्या मानेपासून काही इंच दूर होते. बॉबी देओलने तो सीन इटलीमध्ये शूट केल्याचे सांगितले होते.

दरम्यान, आता बॉबी देओलने बॉलीवूड( Bollywood )मध्ये दुसऱ्यांदा जबरदस्त कमबॅक केले आहे. त्याच्या अॅनिमल चित्रपटाची प्रेक्षक मोठ्या उत्सुकतेने वाट पाहत आहे. बॉबी देओलची या चित्रपटात नेमकी काय भूमिका आहे हे पाहणे प्रेक्षकांच्या उत्सुकतेचा विषय बनला आहे.

या चित्रपटात रणबीर कपूर( Ranbir Kapoor ), रश्मीका मंधाना, अनिल कपूर यासारखे लोकप्रिय कलाकार दिसत आहेत.अॅनिमल १ डिसेंबरला थिएटरमध्ये दाखल होणार आहे.