होळीच्या मुहूर्तावर रिलीज झालेला 'बच्चन पांडे' चित्रपट बॉक्स ऑफिसवर आपली जादू दाखवण्यात अयशस्वी ठरत आहे. या चित्रपटाने पहिल्या दिवशी 13.25 कोटींची कमाई केली.

चित्रपटाने दुसऱ्या दिवशी किती कमाई केली?
अक्षय कुमार (Akshay Kumar), क्रिती सॅनन आणि जॅकलिन फर्नांडिससारखे स्टार्स असूनही 'बच्चन पांडे' ला म्हणावा तसा प्रतिसाद मिळालेला नाही. बॉक्स ऑफिसवर (Box Office) थंड सुरुवात केल्यानंतर 'बच्चन पांडे'ने दुसऱ्या दिवशी केवळ 12 कोटींची कमाई केली. अक्षयच्या चित्रपटाने 2 दिवसात केवळ 25.25 कोटींची कमाई केली आहे.

'बच्चन पांडे' पाहिल्यानंतर अनेक लोकांनी याबाबत सोशल मीडियावर आपली प्रतिक्रिया दिली. काहींना हा चित्रपट खूप आवडला आहे, तर काहींसाठी तो कंटाळवाणा ठरला आहे. अनेक लोकांनी ट्वीट करत आपले मत मांडले. काही लोकांना चित्रपटात (Movie) कॉमेडी आणि अ‍ॅक्शनचा उत्तम मिलाफ आहे असे वाटले, तर काहींना हा चित्रपट अजिबात आवडला नाही. 'बच्चन पांडे' हा चित्रपट दिग्दर्शक फरहाद सामजीने बनवला आहे. अनुपम खेरचा 'द काश्मीर फाइल्स' हा चित्रपट 'बच्चन पांडे' ला चांगली टक्कर देत आहे, असे अनेक लोकांचे मत आहे.