Virat-Anushka: क्रिकेटर आणि मनोरंजन सृष्टीतील कलाकार हे अनेकविध कारणांनी अनेकदा चर्चेत असतात. त्यांच्या वैयक्तिक आणि प्रोफेशनल आयुष्यातल्या अनेक बाबींमुळे ते नेहमी चर्चांचा भाग बनतात.

आता अशीच एक जोडी चाहत्यांची प्रचंड लाडकी आहे. प्रसिद्ध क्रिकेटर विराट कोहली आणि प्रसिद्ध बॉलीवूड अभिनेत्री अनुष्का शर्मा ही जोडी पुन्हा एकदा चर्चांचा भाग बनली आहे.

एका मुलाखतीदरम्यान, विराट कोहलीने अनुष्काबरोबरच्या आपल्या नात्याबद्दल खुलासा केला आहे. विराट म्हणतो- माझ्या वीशीच्या मध्यापर्य़ंत मी फार वेगळा होतो. मात्र अनुष्का जेव्हा माझ्या आयुष्यात आली तेव्हा माझ्या आयुष्याकडे पाहण्याचा दृष्टीकोणच बदलून गेला.

आपण फार विविध पद्धतीने आयुष्य जगू शकतो ही जाणीव मला अनुष्कामुळे झाली. माझ्या विचार करण्याच्या कक्षा रुंदावल्या आहेत. जेव्हा मी तिच्याबरोबर गप्पा मारतो तेव्हा मला समजते की स्रिया कशाप्रकारे विचार करतात, त्या या जगाकडे कशा पद्धतीने बघतात आणि त्यातून मला स्रियांच्या दृष्टीकोनातून जगाकडे पाहण्याचा दृष्टीकोन बदलतो असेही विराट कोहलीने म्हटले आहे.

विराटने पुढे भर देत म्हटले आहे की, एक जोडीदार म्हणून तुम्हाला तुमच्या जोडीदाराचे व्यक्तीमत्व, त्याचे काम, त्याच स्वभाव, त्याची ओळख स्विकारावी लागते. हे आपल्याला आपल्या वाढीच्या काळात शिकवले जात नाही.

दरम्यान, विराट-अनुष्का( Anushka Sharma ) ची जोडी प्रसिद्ध जोडप्यांपैकी एक आहे. ते दोघे नेहमीच एकमेकांना सपोर्ट करताना दिसून येतात. याबरोबरच, विराट( Virat Kohli )-अनुष्का एकमेकांचे कौतुक करतानादेखील दिसून येतात. ते उत्तम जोडप्याचे उदाहरण असल्याचे अनेकदा नेटकऱ्यांकडून म्हटले जाते.