Ankita Lokhande: बिग बॉसच्या घरात सतत भांडणे, वादविवाद पाहायला मिळतात. या १७ व्या सीझनमध्ये अंकिता लोखंडे आणि तिचा पती विकी जैन सामील झाले आहेत. त्यांच्यात सातत्याने वाद पाहायला मिळतात. फॅमिली वीक मध्ये अंकिताची आई त्यांना समजावून गेली होती की तुम्ही या प्लॅटफॉर्मवर जास्त भांडण करत आहात. टीव्हीवर ते पाहणे चांगले दिसत नाही. तुमच्यातील भांडणे कमी करणे गरजेचे आहे.

आता यानंतरही त्यांच्यात मोठी भांडणे पाहायला मिळाली आहेत. शो चा नवा प्रोमो समोर आला आहे. 'बिग बॉस सीझन 17' च्या प्रोमोमध्ये विकी जैन आणि अंकिता लोखंडे रुममध्ये आहेत. जिथे विकीने विचारलं ' काय प्रॉब्लेम आहे?' तर अंकिता म्हणते की 'तुझ्यामध्ये सहानुभूती नसल्यामुळे आपल्या नात्यात अडचण आली आहे.'

तेव्हा विकी म्हणतो, 'जेव्हा तू मुनव्वरचा हात धरतेस. त्याला मिठी मारली तेव्हा मी देखील असेच वागायला हवे होते. तुझी सर्व नाती पवित्र आहेत आणि माझी सर्व नाती वाईट आहेत. यानंतर त्यांच्यातील वाद वाढत जातात. शेवटी विकी म्हणतो मी जर खरं सांगायला लागलो तर तू ऐकू शकणार नाहीस.

या जोडप्यातील भांडणे दिवसेंदिवस वाढताना दिसत आहे. शोचा फिनाले जवळ येत असून आता कोणता स्पर्धत शो ची ट्रॉफी आपल्या नावावर करणार हे पाहणे महत्वाचे ठरणार आहे.