'पुष्पा द राइज' या चित्रपटाने बॉक्स ऑफिसवर धुमाकूळ घातला. या चित्रपटाच्या हिंदी आवृत्तीने 100 कोटींची कमाई केली असतानाच या चित्रपटाने 300 कोटींची कमाई करून जगभरात रेकॉड बनवला आहे. चित्रपट सुपरहिट झाल्यानंतर अल्लू अर्जुन आणि रश्मिका मंदान्ना पॅन इंडियाचे स्टार बनले. आता चाहते या चित्रपटाच्या सिक्वेलची आतुरतेने वाट पाहत आहेत. मिळालेल्या माहितीनुसार 'पुष्पा द रूल' चे शूटिंग लवकरच सुरू होणार आहे. (allu arjun rashmika mandana start shooting pushpa rule july)

अल्लू अर्जुन जुलैपासून 'पुष्पा द रूल' (Pushpa The Rule) चे शूटिंग सुरू करणार असल्याच्या बातम्या आहेत. चित्रपटाचे दिग्दर्शक सुकुमार यांनी 'पुष्पा' च्या सिक्वेलची स्क्रिप्ट पूर्ण केली आहे. निर्मात्यांनी चित्रपटाचे (Movie) बजेटही निश्चित केले आहे. त्यामुळे चित्रपटाची प्रतीक्षा लवकरच संपणार आहे.

'पुष्पा-द रूल' अनेक बदलांसह रिलीज होईल

'पुष्पा-द राइज' ने देशभरात यश मिळवले होते. निर्मात्यांना 'पुष्पा 2' मध्ये कोणतीही कमतरता ठेवायची नाही. जिथे या चित्रपटाच्या बजेटमध्ये मोठी वाढ करण्यात आली आहे. तिथे ‘पुष्पा 2’ मध्ये तुम्हाला बॉलिवूडमधील (Bollywood) इतर अनेक दिग्गज कलाकार पाहायला मिळतील. त्यामुळेच चित्रपटाची स्क्रिप्ट फायनल करण्यासाठी दिग्दर्शकाला बराच वेळ लागला.

'RRR' आणि 'KGF: Chapter 2' (KGF 2) सारख्या दक्षिण भारतीय चित्रपटांचे यश पाहून दिग्दर्शक सुकुमार यांनी चित्रपटात अनेक नवीन बदल करण्याचा विचार केला आहे. सध्या तरी 'पुष्पा 2' च्या शूटिंगबाबत निर्मात्यांकडून कोणतेही अधिकृत विधान आलेले नाही, परंतु अल्लू अर्जुनचे चाहते या चित्रपटाच्या अधिकृत घोषणेची वाट पाहत आहेत.