Abhishek Kumar: बिग बॉस या शो मध्ये सहभागी झालेले आणि आपली वेगळी ओळख निर्माण केलेले स्पर्धक चाहत्यांच्या कायम लक्षात राहतात. त्याबरोबरच, त्यांच्याबद्दल नेहमीच चर्चा रंगताना दिसते. आता बिग बॉसच्या १७ व्या सीझन मध्ये आपली वेगळी ओळख निर्माण करणारा अभिषेक कुमार हा सध्या चर्चांचा भाग बनला आहे.

नुकताच त्याचा मन्नारा चोप्रासोबतचा म्युझिक व्हिडिओ रिलीज झाला. याशिवाय एकता कपूरचा शो 'नागिन 7' आणि रोहित शेट्टीच्या स्टंटवर आधारित रिॲलिटी शो 'खतरों के खिलाडी सीझन 14' मध्ये तो दिसणार असल्याच्या बातम्याही चर्चेत होत्या. मात्र, तो टीव्ही सीरियल करणार की नाही हे अजूनपर्यंत समजलेले नाही. पण त्याने स्वतःला रिॲलिटी शोपासून दूर केले आहे.

असे म्हटले जात आहे की, ही ऑफर नाकारण्यामागचे कारण बोलायचे झाले तर ती त्याची 'भीती' आहे. कारण तो जर या शोचा भाग बनला तर त्याची भीतीमुळे तो या रिॲलिटी शोमध्ये फार काळ टिकू शकणार नाही.

सलमान खानच्या रिॲलिटी शो 'बिग बॉस'मध्ये त्याने अनेकवेळा आपण क्लॉस्ट्रोफोबिक असल्याचा उल्लेख केला आहे. तो लिफ्टही वापरत नाही. ते पायऱ्या चढून ८व्या-९व्या मजल्यावर जातात. अशा परिस्थितीत रोहित शेट्टीच्या शोमध्ये अनेक स्टंट्स असतील, जे पाण्याखाली किंवा बॉक्सच्या आत करावे लागतील. जे करण्यात त्यांना साहजिकच अडचण येणार आहे.

आता अभिषेक शिवाय या शोची ऑफर कोणाला मिळणार हे पाहणे महत्वाचे ठरणार आहे. दरम्यान, आत्तापर्यंत कोण या शोचा भाग असणार हे पाहणे महत्वाचे ठरणार आहे.