Films Releasing on 11th November: नोव्हेंबरच्या पहिल्या आठवड्यात हिंदी चित्रपटसृष्टीतील तीन चित्रपट प्रेक्षकांच्या भेटीला आले. मोठ्या अपेक्षा असलेल्या या चित्रपटांनी मात्र, सर्वांची निराशा केली. कमाईच्या बाबततही हे चित्रपट बॉक्स ऑफिसवर (Box Office) काही खास करू शकले नाहीत. एकीकडे हिंदी चित्रपटांची अवस्था बिकट असताना, नोव्हेंबरच्या दुसऱ्या आठवड्यात विविध भाषेतील अनेक चित्रपट एकाच वेळी प्रदर्शित होणार आहेत. चला तर मग जाणून घेऊया, या आठवड्यात प्रदर्शित होणाऱ्या चित्रपटांची संपूर्ण यादी.....

हिंदीत एकाच वेळी आठ चित्रपट प्रदर्शित होणार आहेत

या आठवड्यात 11 नोव्हेंबर रोजी आठ हिंदी चित्रपट (Hindi Films) थिएटरमध्ये प्रदर्शित होणार आहेत. यापैकी दोन चित्रपट एकमेकांना जबरदस्त टक्कर देणार आहेत, कारण या दोन्ही चित्रपटांमध्ये मोठे स्टार्स आहेत. यापैकी एक चित्रपट म्हणजे दक्षिणेतील अभिनेत्री समंथा प्रभूचा 'यशोदा', तर दुसरा चित्रपट आहे बॉलिवूडचे ज्येष्ठ अभिनेते अमिताभ बच्चन आणि अनुपम खेर यांचा 'उचाई'. यासह रितेश देशमुखचा 'मिस्टर मम्मी', 'एंट द एंड', 'थाई मसाज', 'रॉकेट गँग', 'करतुत' आणि 'बधाई हो बेटी हुई है' हे सर्व सिनेमे 11 नोव्हेंबरला रिलीज होत आहेत.

तेलगूमधील दोन चित्रपट

'यशोदा' व्यतिरिक्त या आठवड्यात फक्त एक तेलुगु चित्रपट (Telegu Films) प्रदर्शित होत आहे. त्यामुळे या आठवड्यात तेलुगू सिनेमाचा प्रभाव बॉक्स ऑफिसवर कमी असेल. या आठवड्यात 11 नोव्हेंबर रोजी तेलुगु चित्रपट 'माझी' चित्रपटगृहात दाखल होत आहे.

तमिळ चित्रपटांचा चौकार

'यशोदा' सोबतच या आठवड्यात तमिळ भाषेतही (Tamil Films) आणखी तीन चित्रपट थिएटरमध्ये प्रदर्शित होत आहेत. यामध्ये 'अगिलन', 'गिला बेट' आणि 'पॅरोल' या चित्रपटांचा समावेश आहे. चारही चित्रपट 11 नोव्हेंबरला थिएटरमध्ये दाखल होत आहेत.

कन्नडमध्ये पाच चित्रपट

या आठवड्यात कन्नड चित्रपटसृष्टीतील (Kannad Films) पाच चित्रपट चित्रपटगृहात प्रदर्शित होणार आहेत. यात अॅक्शन थ्रिलर फिल्म 'यशोदा', 'राणा', 'ओ कन्नड', कॉमेडी ड्रामा फिल्म 'दिलपसंद' आणि पाचवा सिनेमा 'यलो गँग्स' आहे.

चार मल्याळम चित्रपट

या आठवड्यात चार मल्याळम चित्रपट (Malayalam Films) चित्रपटसृष्टीत धमाल करणार आहेत. मल्याळम प्रेक्षकांसाठी हा आठवडा खूप चांगला जाणार आहे. 'यशोदा', 'गिला आयलंड', 'बरमुडा' आणि 'शोहलाई' 11 नोव्हेंबरला रिलीज होत आहेत.

दोन मराठी चित्रपट

या आठवड्यात मराठी चित्रपटसृष्टीतील (Marathi Films) दोन चित्रपट प्रदर्शित होणार आहेत. 'गोदावरी' आणि 'कुलस्वामिनी' 11 नोव्हेंबरला प्रेक्षकांच्या भेटीला येणार आहेत.

पंजाबीमध्ये तीन चित्रपट

या आठवड्यात पंजाबी चित्रपटसृष्टीतील (Panjabi Films) केवळ तीन चित्रपट प्रदर्शित होणार आहेत. 'छोबर', 'कुळचे छोले' आणि 'मसंद' चित्रपट प्रदर्शित होणार आहेत. सोशल मीडिया सेन्सेशन जन्नत जुबेर 'कुलचे छोले' चित्रपटातून पंजाबी चित्रपटसृष्टीत पदार्पण करण्यास सज्ज झाली आहे.