महाराष्ट्राची (Maharashtra) राजधानी मायानगरी मुंबई (Mumbai). याच मुंबईत एका व्यक्तीने आत्महत्या करत असल्याची माहिती ट्विटरच्या (Twitter) माध्यमातून दिली. मात्र त्याने हे पाऊल उचलण्यापूर्वीच पोलिसांच्या सायबर सेलने सोशल मीडियाच्या मदतीने त्या व्यक्तीला वाचवले. (Young man attempts suicide by tweeting)

सायबर पोलीस स्टेशनला एक तात्पुरती सूचना मिळाली होती की, मानसिक ताणतणावाच्या कारणामुळे हा तरुण आत्महत्या करण्याबद्दल बोलत होता. शनिवारी सकाळी एका पत्रकाराने ही माहिती सायबर पोलिसांच्या व्हॉट्सअॅपवर दिली होती. यानंतर पोलिसांनी या तरुणाचा शोध सुरू केला.

खरं तर, पोलिसांना अशी माहिती मिळाली की 30 वर्षीय तरुणाने ट्विटरवर सांगितले की त्याला आपले जीवन संपवायचे आहे. परंतु या तरुणाने कोणतेही चुकीचे पाऊल उचलण्यापूर्वीच पोलिसांनी मुंबईच्या दादर येथील हॉटेलमधून त्याची सुटका केली. संजय गोविलकर या पोलीस पथकाचे नेतृत्व करत होते. घटनास्थळी पोहोचल्यावर निरीक्षक आणि हॉटेल मॅनेजरने हॉटेलची खोली उघडली तेव्हा हा तरुण चाकू घेऊन खोलीच्या आत आत्मह्त्या करण्याचा प्रयत्न करत होता. दुसरीकडे, हॉटेल मॅनेजरने त्या तरुणाची खोली डुप्लीकेट चावीने उघडली होती. त्वरित कारवाई करत पोलिसांनी त्या तरुणाला पकडले आणि त्याला आत्महत्या करण्यापासून रोखले.

मैत्रिणीने लग्नास नकार दिल्याने युवक नैराश्यात होता

पोलिसांनी केलेल्या चौकशीत युवकाने सांगितले की तो केरळचा रहिवासी आहे आणि डिप्लोमाचा विद्यार्थी आहे. तरुणाने सांगितले की त्याच्या मैत्रिणीने त्याच्याशी लग्न करण्यास नकार दिला होता. म्हणून तो डिप्रेशनमध्ये गेला. पोलिसांनी सांगितले की, हा तरुण शुक्रवारी हॉटेलमध्ये आला होता. दरम्यान या तरुणाला तातडीने मानसिक उपचारासाठी रुग्णालयात पाठवण्यात आले जेथे त्याचे वैद्यकीय समुपदेशन करण्यात आले.